محمد بن عبدان
12-12-2011, 09:42 PM
نطوي مع الايام عام وراء عام
وتمر ساعات الفرح في دقايق
ايام راحت بالعمر مثل الأحلام
يومً بها زعلان وأيام رايق
درست من دنياي وأتعبت القدام
وبدلت عن بعض الطرايق طرايق
وكفخت بأفكاري كما الطير لاحام
وماعاقني عن ماكر العز عايق
ياصاحبي خذني معك سيف وحزام
وياك في وقت الرخا والضوايق
اخوك بالفزعات يا بوسلمان وبوعبدالله وقت الشدايد
يشوقني للطيب وللخير شايق
وترى البشر ياخوك منقسمه اقسام
بين الردي والطيب شفت الحقايق
لقيت من صلى وزكا ومن صام
ولقيت منهو لأقرب الناس بايق
ولقيت من قلبه حقود ونمام
ولقيت من قلبه يعز الرفايق
ولقيت من يبني الأمل فوق الأوهام
واللي يموت ولايعرف العوايق
ولقيت من يملك بساتين وأنعام
واللي من الحاجه ينام امتضايق.
الله خلق هالخلق ساده وخدام
ذي دبرة الرحمن رب الخلايق
وآخرك يابن ادم ترى قطعة الخام
امر أكيد مايبيله وثايق
يالله عسى ماكون قطاع الارحام
وعساى من عقب القبر في حدايق
جاك الكلام وخذ معه بصمة إبهام
ان العمر كله مجر دقايق
*[/align][/SIZE][/SIZE][/SIZE][/CENTER][/SIZE][/SIZE][/CENTER]
وتمر ساعات الفرح في دقايق
ايام راحت بالعمر مثل الأحلام
يومً بها زعلان وأيام رايق
درست من دنياي وأتعبت القدام
وبدلت عن بعض الطرايق طرايق
وكفخت بأفكاري كما الطير لاحام
وماعاقني عن ماكر العز عايق
ياصاحبي خذني معك سيف وحزام
وياك في وقت الرخا والضوايق
اخوك بالفزعات يا بوسلمان وبوعبدالله وقت الشدايد
يشوقني للطيب وللخير شايق
وترى البشر ياخوك منقسمه اقسام
بين الردي والطيب شفت الحقايق
لقيت من صلى وزكا ومن صام
ولقيت منهو لأقرب الناس بايق
ولقيت من قلبه حقود ونمام
ولقيت من قلبه يعز الرفايق
ولقيت من يبني الأمل فوق الأوهام
واللي يموت ولايعرف العوايق
ولقيت من يملك بساتين وأنعام
واللي من الحاجه ينام امتضايق.
الله خلق هالخلق ساده وخدام
ذي دبرة الرحمن رب الخلايق
وآخرك يابن ادم ترى قطعة الخام
امر أكيد مايبيله وثايق
يالله عسى ماكون قطاع الارحام
وعساى من عقب القبر في حدايق
جاك الكلام وخذ معه بصمة إبهام
ان العمر كله مجر دقايق
*[/align][/SIZE][/SIZE][/SIZE][/CENTER][/SIZE][/SIZE][/CENTER]