الا يابحر(سلطان الهاجرى)

[أبو مشعل]

ألا يا بحر ... يابحر الخليج اللي على شاطيـك
غلاه اغلى من امواجـك ولولـوك ومرجانـك
وانا يابحر يوم آفز إلى من مـر لـي طاريـك
على شان الغلا اللي في طرفك ماهو على شانك
تحياتي وشوقي يافياض العشـق ذيـك وذيـك
أٍسج الرجل يمك وألتفـت فـي بيـت جيرانـك
رعـاك الله يابيـتٍ ليـا منـي بغيـت آجيـك
توقفـنـي تقالـيـد القبـايـل دون بيبـانـك
ياليتك ليلٍ أٍسود كان أسجك بالقـدم واسريـك
لكنك بيت طين وحاجتـي مـن بيـن جدرانـك
حفظت الجوهر الغالي ومن سبة غـلاه أغليـك
والا ياكثر حبي لـك والا يـا صعـب نسيانـك
عزاي اليا ذكرتك حاضرك ماهو بمثل ماضيـك
ذكرت الفيضه اللي تجمـع الاحبـاب بوزانـك
تعنيني لك الذكرى واجي مـن ديرتـي ناصيـك
وباعطر قصيدي مـن شـذى وردك وريحانـك

[^^ابو ناصر^^]

ابو مشعل

لاهنت على نقل القصيده الله لا يهينك

صح لسانك ولسان الشاعر ابن وسام

[أبو مشعل]

ابو ناصر
لاهنت على المرور

[أبوراكان]

ابومشعل

صح لسانك ولسان المحلفي

وتقبل مروري واحترامي

[أبو مشعل]

صح بدنك
ابو راكان