سالم ال مخلص في ال عبدان

[أبوراكان]

السلام عليكم ورحمة الله وبركاته

الشاعر القدير : سالم ال مخلص اتحفنا بهذه الرائعه

والقصيده ألقاها ترحيب بقبيلة ال عبدان عندما كانو في ضيافة

الشيخ : فيصل بن سعيدان ال مخلص في منطقة جده

ومني ومن ادارة المجالس اجمل تحيه وسلام لشاعر سالم وصح لسانه وعلا شانه

اتركم للأستمتاع بالنادره

الجـو زان وزانـت الألحـانـي
والشعـر هاجوسـه قعـد يلحانـي
الشعـر ماسوقـه واحبـك بيوتـه
ألا ليـا جـا الموقـف البطرانـي
مثـل سلامـة سيـدي عـبـدالله
اللي بكت فـي غيبتـه الأوطانـي
إن مرض مرض الشعب واحد واحد
وإن طاب شعبـه طيـبٍ فرحانـي
وفي رجعته كل العيـون أستبشرت
وتباشـر اليتـمـان والفقـرانـي
الله يديـمـه للـوطـن ويـعـزه
ويعز اخيـه الصيرمـي سلطانـي
ويعز نايف ستـر وأمـن الدولـه
والداهيـة رمـز الوفـا سلمانـي
الشعر أعده عنـد مـن لـه قيمـة
شروا الضيوف ومن لفانـا عانـي
يامرحبـا مـالاح بـرق الوسمـي
و ماغرد القمري على الأغصانـي
وماطافـو الحجـاج والمعتـمـره
ترحيبـة الوافـيـن بالضيفـانـي
بـاولاد عبـدانٍ خـزام العـايـل
وياسعد من جـا عزوتـه عبدانـي
اهـل الوفـا والعـز والجاهـيـة
اللابـة اللـي كلهـم شجعـانـي
الله يحييـكـم عـلـى واجبـكـم
ذمركـم القـعـدان والخرفـانـي
وترحيبـةٍ تجـلا عمـس سامعهـا
وبن ٍ وهيلٍ فـي وسـط رسلانـي
والعود الأزرق يدهر فـي الصالـة
وقصايـدٍ تطـرب لهـا الأذانـي
وجيتك يابن فهيـد عنـد عوالـك
فخر لهـم يبقـى مـع الأزمانـي
وجيتك يابن فريـج قـدر وشيمـة
ياطيـبٍ طيبـه مـن الجـدانـي
وأسوق قيفاني على ابـن حويشـي
الظفـر ماينسـونـه الظفـرانـي
وابـن حمامـه عـارفٍ يحكابـه
يحسـب مـع مقـارع الحقـانـي
وابـن الغريريـة كريـمٍ مطلـق
يشوش لي جاه ابلـجٍ لـه عانـي
وماأنسى كعام الضد عون المبلـي
والنعـم لامنـه اعتـزا المرهانـي
وماأنسى آل فهـادٍ مقـر الجـودة
ربع ابن عايض مقـدم الشيخانـي
وحييت يابن لويـف قـرمٍ وافـي
وياحظ مـن جالـه مثـل قبلانـي
وقفت أمثـل ربعـي ال مخلـص
العـزوة اللـي ترهـب العدوانـي
امخلصة الانشاب وأهـل الفزعـه
قـومٍ لنـا بيـن القبايـل شـانـي
قوم آل مطلـق صامليـن الوقفـه
ماحـن نحـل إلا علـى الحدانـي
في حفل ابن هادي عريب المجنـى
كريـم كـف يتعـب الكرمـانـي
فيصل سمي الطيـب راع الطولـه
اللـي فعولـه تعجـب الاعيانـي
ولـد مقـدم يـام شيـخٍ شـامـخ
هادي زعيم الطيب زبـن الجانـي
ويامرحـبـا بضيوفـنـا نثنيـهـا
من قاصـي العربـان ولا الدانـي

[زهورالخزام]

صح لسانه والله قصيدة جزلة
مشكور اخوي ابوراكان على النقل الرائع

[حمد العبدان]

تسلم يابوراكان على النقل و يسلم الشاعر على جزالة الكلمات و روعتها.

[الحره]

صـح لسان الشاعر
ولاهنت يا ابو راكان على النقل

[محمود ال مخلص]

صحت يمنااك يابو راكان على النقل لهذه الفريده والجزله من الشاااعر الرااقي والمميز سالم ال مخلص
جعل لساانه مايعطب
تقبل مروري وتقديري

[ناصر آل مرهان]

صح لسانك ولسان الشاعر المميز سالم ال مخلص
بيض الله وجهه

[المتيم]

بـاولاد عبـدانٍ خـزام العـايـل
وياسعد من جـا عزوتـه عبدانـي


نقل اكثر من رائع ابوراكان

وصح لسان الشاعر سالم ال مخلص

[بن عميان]

وابـن حمامـه عـارفٍ يحكابـه
يحسـب مـع مقـارع الحقـانـي

جزله ووافيه بيض وجه الشاعر سالم ال مخلص
وتسلم يبوراكان على نقلها

ولتوضيح ابن حمامه هو جدي فهيد بن حمامه مقرع حق رجال وعيل ومارثته حنا يا ال عميان
وحي ذى العين من الرجال الى يعرفون العلوم والعدود والجدود
وبيض الله وجه الوعيلي وافي وهرجه وافي جعله يسلم وماعليه زود هو من رجالن كفو والعلوم الغانمه تزهابهم

[أبوناصر العبداني]

وابـن الغريريـة كريـمٍ مطلـق
يشوش لي جاه ابلـجٍ لـه عانـي


يعطيك العافيه يبو راكان على نقل القصيدة الجزلة وصح الله لسان الوعيلي على جزالته وما يستغرب من هل الطيب العلم الغانم .

[فلاح برق لاح]

الطيب لاتستغربه من هل الطيب -- اللي لهم في منهج الطيب خبره
اوسع على لجواد من فيضة شعيب -- وضوق على لنذال من ثقب لبره

والله قصيدة طيبه وعجبتني جدا
بغض النظر عن انهاقيلت فينا يآل عبدان
لكن سبكها وجزالة كلماتها تدل على أن قايلها شاعر فحل ومتمرس

والله لايهين اخواننا ال مخلص الحفل الرائع
والله يعطيهم العافيه

[شموخ أنسانة]

قصيده رااائعة
الله يعطيك العافية على الطرح الراائع
وتقبل أختك >> شموخ أنسانة << بمتصفحك
تحياتي وتقديري
http://www.3bir.com/web/a/30750_01205310686.gif

[أبوراكان]

الأخوان جميعا والأخوات

بيض الله وجيهكم على المرور الجزل

وشرفتوني والله بردودكم الطيبه

لاخلا ولا عدم