لما قال ابن عبدانٍ تهاااابه،،،،

[محمود ال مخلص]

السلام عليكم ورحمة الله،،،

اضع بين ايديكم قصيدتي والتي القيتهاا في الحفل التكريمي لقبيلة آل عبدآن والمقآم من قبل الشيخ / فيصل بن عبدالهادي بن سعيدآن وقبيلة آل مخلص

يوم الجمعه ليلة السبت الموافق 29 /3 / 1432 هـ في محآفظة جده بقآعة زفاف


الا يالله ياارب العباد
ياحمي البيت يارازق وهاد

يامن ملجاي لك في كل حزه
تقديني على الدرب الرشاد

وتجعل في لساني مايوفي
حقوق الطيبين من العباد

ياربٍ ماسجدت الاّ لوجهك
ياكافل رزق من هو في المهاد

عظيم الشان خلاق البريه
جزيل المد ومغيث البلاد

بعد ذكرك بروق الشعر لاحت
وهلت مزنة الشعر الوكاد

عدود الشعر ميرادٍ لأهلها
وجارك من مواريد الزهاد

نقيت الجزل وعيون النشاما
على ماقيل في الماقف حداد

أصون الحرف لامني كتبته
وأجنبه الهزيل والأنتقاد

وأشوش من الفخر لامن دعوني
بني عمي هل الراي السداد

مقابيس الوغى خطلان الأيدي
مفككة الحجج وأهل الشداد

لنا في صفحة التاريخ هيبه
على وضح النقا مسكٍ وكاد

قصير البيت يامن لي وزانا
وعينه تهتني حلو الرقاد

وخوي الجنب بوجيهٍ نقيه
وكلمة نعم في الدنيا المراد

وللضيفان تقديرٍ وشيمه
عوايدنا قديماتٍ جداد

هلا يامرحباً بللي لفونا
وهذا الليل من ضمن العياد

تراحيبٍ تثنى للنشاما
لصبيان آل عبدانٍ تعاد

طحاطيح الزحول أهل الحميا
ليوث الغاب وصقور الهداد

كعام الضد بيضان الوجيه
هل الناموس مقحمة الطراد

لما قال ابن عبدانٍ تهابه
ملوك الجن ويلين الجماد

أهل صدقٍ وأهل صبرٍ وحكمه
وأهل شلفٍ بواجبها حداد

ياكم من ديرةٍ ساجوا تقعها
على عوص النجايب والجياد

ثقالٍ مايزعزعهم نذير
وشجعانٍ لما قدح الزناد

ويوفون العهد من دون منّه
وعند الحق عسرينٍ شداد

أرحب بالنيابه بأسم فيصل
إبن عمي وله كتفي سناد

كريم الكف ممدوح السجايا
رقى العلياء بجدٍ وأجتهااد

بشوش الوجه صبحٍ بان نوره
وللمحتاج نسناسٍ براد

ورث مجداً تليداً من جدوده
هل الفزعه لما ناد المناد

زمان الجهل صبيان ال فوطه
تروي المرهفات من الهناد

وترعى دون خوفٍ في حماهم
من العدوان مقرعة التواد

نسل شيخٍ تزعم في المراجل
وتعجز في مدائحه المداد

زعيمٍ ذاع صيته في الجزيره
وعند ملوكها ذكره زباد

وعند الختم صلى الله وسلم
على افضل الأنبياء خير العباد،،،

[زهورالخزام]

صح لسانك قصيدة جزلة
دمت متميز

[أبوراكان]

الشاعر العزيز : محمود ال مخلص

بدايتا تشرفنا بتسجيلك ويامرحبا ومسهلا اعداد السيل والمطر

وبيض الله وجهك على القصيده الجزله والوافيه

ولاهي غريبه منكم الحفل الطيب والقصيد الطيب انتو منبع الطيب والجود

واخوانك ال عبدان يرحبون فيك في مجالسهم ولاتحرمنا من جديدك

تقبل منى صادق التقدير والاحترام

[الحره]

محمود آل مخلص
صــح لسانك
ولاهنت .. بارك الله فيك

[محمود ال مخلص]

زهرة الخزام
صح بدنك ولاهنتي
تقديري وشكري

[محمود ال مخلص]

ابو راكان
ووجهك ابيض والبقااء ولاهنت
تستاااهلون المدح وتستااهلون العلم الغاااانم
ولاعليك زود فيماا قلت

تشرفت بتسجيلي في مجاالس ال عبدان وان شاء الله يكون لي تواجد
في القاادم من الأياام

لاهنت على المرور الواافي

[محمود ال مخلص]

الحره
صح بدنك ولاهنتي
تقديري وشكري لحضورك

[ناصر آل مرهان]

محمود ال مخلص
ارحب عداد السيل وصح لسانك مليار
وبيض الله وجهك ولا عليكم زود
انضمامك لنا فى المجالس إثراء طيب
للموقع وشعاره تقبل خالص شكرى
وإعجابى بجميل ابياتك

[محمود ال مخلص]

ناصر ال مرهان
البقااء ووصح بدنك ووجهك ابيض
تقبل تقديري وشكري وامتنااني
المجاالس عامره بالطيبين والوافين امثالك
والله لايهينك ويجملناا في عيون الجميع

دمت بكل الخير

[المتيم]

ارحب ياوعيلي في محلك وعند ربعك وبني عمك

بيض الله وجهك على القصيده الجزله
وصح لسانك

[ابن حمران]

ارررررررحب عداد السيل ياوعيلي ومرحبا ومسهلا بين اخوانك وبني عمك وعلى ماقال زدتنا شرف بحضورك معنا
وبيض الله وجهك وصح الله لسانك والطيب مايستغرب من اهله وانتو اهل الطيب وقصيده اكثر من رائعه