قصيدة للشاعر عبدالعزيز بن عدة

[الحر النداوي]

هذه قصيدة للشاعر : عبدالعزيز بن عدة . حين رأى صوراً لشيبانة وهم في شبابهم وقوتهم
واما الان فمنهم من وافته المنية (رحمة الله علية) ومنهم من لا يزال موجوداً.







الا يالله انا طالب رظاك اليوم يارحمن
الاه(ن) يغفر الزلات الا من تاب راعيها¤

خلقنا ربنا يعلم بما نخفي وما قد بان
وبعد ذكر الله الوالي بنبدع في معانيها¤

تهيظ هاجسي شوفة صور من ماظي الازمان
مواقف ولت وراحت ولا نقدر نجاريها¤

مواقف شغلت عندي قريحه صفت القيفان
مثل صف الحرس في ساعة(ن) تلقا معاديها¤

زمان كان شبان(ن) غدو ذا الوقت هم شيبان
خذت الاوقات قوتهم وراحت في طواريها¤

زمان فيه بدوان(ن) وشجعان وبعد فرسان
على العليا على الناموس تبنى به هقاويها¤

وهذا الوقت كثرو به اهل فتنه مع الشيطان
وشانت فيه ذي الدنيا وزادت من بلاويها¤

فتنها كثرت و زادت وذ يصعب على الانسان
ظعيف الدين يمسك في حبال الدين ويثنيها¤

الا الي رايد(ن) له ربي الرحمه مع الاحسان
جنان الخلد يدخلها ويمشي في اراظيها

جزاء المسلم العابد مطبق كافةالاركان
مصلي مزكي(ن)صايم وحج لبيت واليها¤

وباولها بيشهد لا الاه الا الله المنان
وان محمد مرسل لذي الأمه وهاديها¤

الا الي ينكر و يجحد ترا حاله كما الحيوان
استغفر الله.. الحيوان ايسبح باسم باريها¤

جهنم ترقبه هذامصيره رايح(ن) خربان
خرابه سبت افعاله يذكر بس ينسيها¤

وانا عبد(ن) فقير(ن) راجي الرحمه مع الغفران
من الي مالك الدنيا من اولها وتاليها¤

ما اقول الا عسى الله ربنا ايقوي لنا الايمان
ويثبتنا على التوحيد الين الرب يفنيها¤

وترافي الخاتمه صلوعلى الهادي وعالي الشان
هو الموحى اليه وناشر الدعوه وبانيها¤

.

[أبوراكان]

ماشاء الله تبارك الله

قصيده رائعه من شاعر ال عبدان القادم

صح لسان عبدالعزيز على القصيده الرائعه

ونتوقع له مستقبل شعري زاهر

والله يوفقه لما هو خير له ولدينه أولا

الحر النداوي شكرا على النقل الرائع لاهنت

[المتيم]

صح لسان بن عده

على ذى القصيده الرائعه

ولاهنت الحر النداوي

[الحر النداوي]

ابو راكان , المتيم .
الله لا يهينكم ومشكورين على المتابعة



.

[الحره]

صح لسان الشاعر
الحر النداوي .. لاهنت على الطرح