عسل دوعن
03-13-2011, 12:38 AM
الشاعر مبارك بن عبدالله يدرس في المدينه ورجع للكويت قبل الشاعر حمد المسرع الذي يدرس في الفراعنه
وكان مبارك مشتاق للديره لأنه قعد بمصر 20 يوم وحمد المسرع صار له اسبوع في مصر
فلما حلقت الطايره في اجواء الكويت استعدادا ً للهبوط شاف مبارك معالم الكويت فتهيض ودز القصيده هذي
للشاعر حمد المسرع :
انا اشهد اني حيل للدار شفقان
مثل الحبيب اليا التقى في حبيبه
في شوفها ملكت خاتم سليمان
بعد المذله والحياه الكئيبه
لبيه ياصبحان وجسور صبحان
ولبيه يالوفره ونفط الشعيبه
يالله عساها بعد ميدان لبنان
وشارع شهاب وجامعتنا الغريبه
اللي بها الكسلان ماهو بكسلان
ينجح على حسب الثمن والظريبه
وشوارع ٍ قشرا مواتر وحيوان
هذا يسب ويشتم وذا يسبه
وحريمهم ماهم بأناثي ونسوان
يقطعك يامصر البلاد العجيبه
ياناس كلن ذمّها الا حميدان
مدري وش محصّل بها من كسيبه ؟
يضحك معا خوله وعينه على ايمان
ويشرب على شاهي العروسه حليبه
ونا لقيت اللي لها القلب مليان
حب وحنان وهي بعد لي مجيبه
ماهي تحب فلان وتكلم فلان
ولي عندها قدر ومحبه وهيبه
عرفت ليه اني على الدار شفقان ؟
لعشانها فديتها من حبيبه
رد الشاعر حمد المسرع :
حي الله اللي يببدع القاف طربان
من فرحته ماعاد وادع صحيبه
روّح وخلاني من الضيق حيران
في ديرة ٍ ماهي لنفسي قريبه
لو هي تجي بالكيف بمشي من الآن
لاشك تحكمني ظروفن صعيبه
بصبر وهمي يفرجه عالي الشان
اللي ليا ناداه عبده يجيبه
وابشّرك مبسوط ماني بندمان
وابن آدم ٍ يقنع وياخذ نصيبه
بقزّر السفره وبضحك على شان
لامن رجع قلبي يلاقي طبيبه
ومن لاصبر من جاير الوقت خسّران
ماهوب لاقي من يواسي نحيبه
ولاضاق صدري رحت انا لابن مسدان
آخذ معه فنجال واشوف طيبه
وان طاب جو الليل قعدت سهران
كني حريب ٍ مستعد لحريبه
احيان تلقاني سعيد ٍ وفرحان
واحيان كني مواجه ٍ لي كتيبه
يابوبدر والناس رابح وخسران
واللي يبي العليا يذب الرقيبه
وماقل دل وقالها الشيخ راكان
جاتك وخذها دون شك ٍ وريبه
وكان مبارك مشتاق للديره لأنه قعد بمصر 20 يوم وحمد المسرع صار له اسبوع في مصر
فلما حلقت الطايره في اجواء الكويت استعدادا ً للهبوط شاف مبارك معالم الكويت فتهيض ودز القصيده هذي
للشاعر حمد المسرع :
انا اشهد اني حيل للدار شفقان
مثل الحبيب اليا التقى في حبيبه
في شوفها ملكت خاتم سليمان
بعد المذله والحياه الكئيبه
لبيه ياصبحان وجسور صبحان
ولبيه يالوفره ونفط الشعيبه
يالله عساها بعد ميدان لبنان
وشارع شهاب وجامعتنا الغريبه
اللي بها الكسلان ماهو بكسلان
ينجح على حسب الثمن والظريبه
وشوارع ٍ قشرا مواتر وحيوان
هذا يسب ويشتم وذا يسبه
وحريمهم ماهم بأناثي ونسوان
يقطعك يامصر البلاد العجيبه
ياناس كلن ذمّها الا حميدان
مدري وش محصّل بها من كسيبه ؟
يضحك معا خوله وعينه على ايمان
ويشرب على شاهي العروسه حليبه
ونا لقيت اللي لها القلب مليان
حب وحنان وهي بعد لي مجيبه
ماهي تحب فلان وتكلم فلان
ولي عندها قدر ومحبه وهيبه
عرفت ليه اني على الدار شفقان ؟
لعشانها فديتها من حبيبه
رد الشاعر حمد المسرع :
حي الله اللي يببدع القاف طربان
من فرحته ماعاد وادع صحيبه
روّح وخلاني من الضيق حيران
في ديرة ٍ ماهي لنفسي قريبه
لو هي تجي بالكيف بمشي من الآن
لاشك تحكمني ظروفن صعيبه
بصبر وهمي يفرجه عالي الشان
اللي ليا ناداه عبده يجيبه
وابشّرك مبسوط ماني بندمان
وابن آدم ٍ يقنع وياخذ نصيبه
بقزّر السفره وبضحك على شان
لامن رجع قلبي يلاقي طبيبه
ومن لاصبر من جاير الوقت خسّران
ماهوب لاقي من يواسي نحيبه
ولاضاق صدري رحت انا لابن مسدان
آخذ معه فنجال واشوف طيبه
وان طاب جو الليل قعدت سهران
كني حريب ٍ مستعد لحريبه
احيان تلقاني سعيد ٍ وفرحان
واحيان كني مواجه ٍ لي كتيبه
يابوبدر والناس رابح وخسران
واللي يبي العليا يذب الرقيبه
وماقل دل وقالها الشيخ راكان
جاتك وخذها دون شك ٍ وريبه