صدور ختم بن مرهان رسميا

[الاداره]

السلام عليكم ورحمة الله وبركاته

لقد صدر ختم الشيخ : فلاح بن جروان بن مرهان آل عبدان رسميا قبل يوم امس

بأمر ملكي شيخا لقبيلة آل عبدان

وقد تم أستلامه وسيقام حفل بهذه المناسبه سوف يعلن عنه لاحقا

نسأل الله ان يجعله عونا لقبيلته

وتقبلو تحيات ادارة مجالس آل عبدان

[زهورالخزام]

مشكورلاهنت على الخبر الزين ونسأل الله يكون خير من يمثل القبيلة

[ناصر آل مرهان]

الف مبروك لآل عبدان والله يوفق ابو محمد فى خدمة
ابناء القبيله ويام كافه

[البار]

ألف مبروك .. لقد سعدت بهذا الخبر يستاهل الشيخ فلاح ويستاهلون ال عبدان العز والناموس

[شموخ أنسانة]

ألف مبروك .. لقد سعدت بهذا الخبر
http://www.samygames.com/forumim/shokr/4/gdfgdf.gif

[المتيم]

ونعم والله بفلاح بن جروان وهو كفو وال مرهان كفو ربعنا وبني عمنا ونزود بهم

بس شيخته تنحصر على ال مرهان فقط وليس على قبيلة ال عبدان كافه هذا للعلم والتنويه

حتى لو طلع ختم أو ماطلع
والله يوفقنا وياه لما يحب ويرضى

[الحره]

الله يعطيه من خيره ويكفيه شره
ألف مبروك

[ناصر آل مرهان]

ونعم والله بفلاح بن جروان وهو كفو وال مرهان كفو ربعنا وبني عمنا ونزود بهم

بس شيخته تنحصر على ال مرهان فقط وليس على قبيلة ال عبدان كافه هذا للعلم والتنويه

حتى لو طلع ختم أو ماطلع
والله يوفقنا وياه لما يحب ويرضى




حياك الله اخوى المتيم رايك ونحترمه
وللعلم الشيخ ابن سعود وابن صباح لكن شيخة فلاح بن جروان على آل عبدان كافه
رسميا" وقانونيا" لكل من فى آخر اسمه ال عبدان
فى بطاقة الاحوال والا غيره ماله حاجه فيه
تقبل خالص الود

[المتيم]

بيض الله وجهك يا ابوبليه انت أكدت كلامي بعد

وشهد شاهد من اهله

ومافيه احد اخر اسمه ال عبدان إلا انتو يا ال مرهان الله يقنعكم بركته ويوفقه ويجمعنا وياكم على مرضاته

وعزالله انك وافي وصادق الشيخ ابن صباح وابن سعود

وكلامي هذا مافيه تقليل لشأن ابن جروان هو كفو ونعم مافيه قصور

وسلامتك

[ابن وعيل صبي النقا والطيب]

ياهلا ومرحبا يالمتيم انت تقول بس ال مرهان اللي اخر اسمهم ال عبدان وشي هاذا هو اساس كل عبداني وكلامك طيب ومنطقي لاكن كلنا ودنا ال عبدان يشاركونا الفرحه ونشالله كلهم مشاركيينا الفرحه بس مانبي فرحتنا تنحصر على المرهان لحالهم نبيها للعبدان كافه لانه راح يجعل مركز اماره وكل عبداني يستاهل الاماره تشمله ومبروك عليكم يال عبدان

[تـــركـــي]

نبارك ل ال عبدان بن مرهان كفووووووو


ونبارك ل يام كافه


وكفوووووووووو يالشيخ فلاح بن جروان كفو وشيخ على ساس



وعسى الله يديم الافراح في كل مكان

[ابن وعيل صبي النقا والطيب]

ابو بدر ال عبدان كان كلامك طيب ومبادرتك طيبه ليش ينمسح الكلام اخوكم حسن بليه من لندن ادعو لصاحبي بشفاء العاجل

[راعي البوش]

طلوووع الختم لا يقدم ولا يأخر ،،،، ابن جروان اميركم يال مرهان وعلى العز ومبروووكين

اما ال عبدان لا ادخلون عماركم في حاجه اكبر منكم وال مرهان كل القبايل عارفه التاريخ

فمانبغى نرجع وننبش وهذا امور الجاهلية

انا من ال عبدان اما يجيني احد يقولي انا امير عليك اقووول استريح شهاتيك السعه

كلن امير على عمره ولا احد ياتي ويسبب تفاريق وحزازيات بين الجماعه وعينوا خير


اخيكم ابوعبدالله
راعي البوش

[ناصر آل مرهان]

منور الموضوع ياراعى البوش
ولايهمك ماحد بشايخ عليك وانا اخيك:blow:

[ابن وعيل صبي النقا والطيب]

أنا بتمشا معا ابو عبدالله راعي البوش وبشوف وش اخر اسمه ونعم والله ما نحب التفرقه حنا نجمع مانفرق ونت ياراعي البوش خلك تايه ودور درب القدى وشف من انت ودعناكم الله نحنو قومن اذا عاهدو اوفو االله يجمعنا على العز والطاعه ويجمع ال عبدان

[المفاوض]

الف مبروك الختم ومبروكين


وزووود الرفيق زودن لي



لاهنت يالاداره على الموضوع

[عسل دوعن]

يا اخوان المنطقه مو حمل توترات

[قوي عزوم]

ألف مبروك لشيخ شمل قبائل ال عبدان الشيخ فلاح بن جروان ال مرهان ال عبدان

وهو شيخ شمل قبائل ال عبدان بناءا على المرسوم الملكي الصادر من الديوان الملكي وبناءا علي شهادة الاسره الحاكمه و شيوخ من قبائل شبه الجزيره واتمنى ان يكون صدور الختم باب خير على قبيله ال عبدان وجمعا ومعزه وليست تفرقه وتوترات

وتقبلوا فائق احترامي

[أبوسعد]

الف مبروك لأخواننا آل مرهان
والله يجمع آل غيدان على العز والطاعه

زود الرفيق زود لي

[جبرني الوقت]

الله يجمع الرفاقه على خير
وين المصدر ممكن تعطونا دليل على هذا الكلام

اما من ناحية الكلام المثبت يا اخوان واللي مافيه اي عصبية شيخه فعليه لم يشيخ احد على ال عبدان

او يكفهم كان هناك عقداء وكان هناك مقطع حق

اما العقداء منهم قعشوش وناصر بن مرهان وحويشي وكان في ال عبدان مقطع حق وهو فهيد ابن حمامه

اما ان هناك شيخه فعليه ومثبته تاريخيا من كان عنده كلام بدون دليل له كل الاحترام ولكن يترك الجاهليه

نحن يال عبدان جدنا قريب ولاهو بعيد عشان نتناثر ال مزهر عوال رجال وال نوما عوال رجال وال عصبان عوال رجال ولو نحسب بنلحق عبدان قبل سابع وثامن

فأنصحكم يا اخوان تتركون الجهل والجاهلية اللي تفرق ولا تجمع

زبدة الكلام الشيخه الفعليه لم يكن هناك شيخ شمل لال عبدان وال عبدان من خلقت الدنيا يقدمون الكبير

قبيلة ال عبدان فيها مقطع الحق والعقداء والفريس

واذا ابن مرهان ظهر له ختم من ابن سعود عساه الف مبروك ويزووود الختم مايزوده حبر على ورقه

قال الرسول صلى الله عليه وسلم اتركوها انها نتنه

يعني الجاهلية القبليه التي مافيها اسلام وهذي امور زائلة واخرتنا الفقير والغني اللي معه ختم

واللي مامعه ختم في قبر ومترين قماش وكل واحد بيدحون خشمه وفمه قطن

فعيونوا خير يارفاقه

ابن مرهان كان ظهر له ختم مبروك ونبغى دليل ولا الختم اللي بشيّخه على ال عبدان


وال عبدان لاهوب لاحقهم في اسم جدهم شكه وده في البطاقه ولا ماهوب فيها


هم روووس ومعروفين


وختامها عفاكم

وصلوا على النبي

[زهورالخزام]

عدد الذين يشاهدون الموضوع 17 زهورالخزام و711وابوسعد وابن عيل صبي النقا وجبرني الوقت وناصرمرهان وراعي البوش وساسا وقصيمي وقوي عزوم ههههههههههههههههههههههههههه
اللهم زيد وبارك الله يهديكم بس امورالجاهلية بطلوها والله يوفق الجميع

[ناصر آل مرهان]

ارجو عدم الخروج من سياق الخبر والموضوع
آل عبدان كلهم شيوخ وكفو سواء اللى معدل واللى مابعد
عدل لكن المهم فى الموضوع صدور ختم بإسمهم ولهم
سواء كان عند ابو محمد او غيره من ابناء العبـدان
وهذا المغزى من انزال الموضوع وعسى الله يجمعكم
على العز والطاعه ويكفيكم الفتن والتفرقه

[ابن وعيل صبي النقا والطيب]

على العموم ان يعيشو تاريخهم ام يمجدوووه ولعن الله ناكر اصله سوائن من الماضي او حديث

[الناااايف]

"]بسم الله الرحمن الرحيم اخواني احمدو ربكم على الامن والامان والخير والعافيه وكلكم عيال عم واجدادكم كانو اخون قبل 50 عام واللي اليوم اخوان وتجمعهم المحبه والاخوه وكانو في مكان واحد ويتفادون الارواح مع بعض وانتو اللحين تسببون منازعات وحزازات مالها داعي مامنها الا الفتنه والتفرقه ومايجوز هالكلام والشيخ اابن صباح وكلو من التمويل سنه ببلاش :)وحمدو ربكم ألف مبروك .. لقد سعدت بهذا الخبر [/COLOR]7"][/size][size="6

[فصفص]

ابو محمد يستاهل




ومن شيخه آبن سعود بيشيخ وآتركو منآ آلمهآترآت وآلكلآم آللي مآله دآعي !!

وترجع آلقبيلة متكآتفين ومتحآبين وشيخهم معرووف وكلآ معرووف وشيخته مآتنقص في حق آل عبدآن كلهم شيوخ وفرسآن وعقدآء وآكثر آل عبدآن فرحو له وكلموه شخصيآ وهنؤوه بآلختم ويستآآآإهل ....


طولة آبن عممي ... طولةٍ لي !!

آتمنى من آلآخوآن نسيآن آلمآضي وعدم شمآتة آلآعدآء على آلقبيلة


آل عبدآن يدآ وآآحده << وكلآم في آلفآيت ... نقص في آلعقل !!


آلمعذرة على آلآطآلة ولكن مآقرآته يحز في آلخآطر !


إلى آللقـــــــــــآء !!

[الرااااكد]

ال عبدان كلهم واحد وكلن يقدر الآخر وحشمه >>>
فبعض الكلااااام والاموووووور ما منهااااااا زود تسبب الحساسيه والتفرقه

[بن كويخ العبداني]

تحيه خاااصه لادرارة مجالس ال عبدان

وفتح المجال لابناء القبيله عن التعبير عن رأيهم

وعدم اتباع سياسة القمع والحذف

والله يكتب الخير والخيره للجميع

[أبوراكان]

الله يوفق ابومحمد في مايرضى الله سبحانه

وارجو من الاخوان عدم التشعب في النقاشات والحديث

ونكتفي بهذا القدر

كلنا اخوان وعيال عم وجماعه والرجال اللي فيه خير بيحبونه ربعه

وتحياتي للجميع

[سيف العرب]

الف مبروووووك

ويستاهل ابو محمد الشيخة وهو كفولها

[من نسل الاحرار]

قولوا لا اله الا الله (سبحان الله وبحمده سبحان الله العظيم)صدقوني سوف تذوقون حلاوة الذكر.

[زهورالخزام]

بس ماصار ختم اووووووووووووووووووووووف ياليت الاداره تغلق الموضوع حتى لايكثر السباب والشتم