"عجابة"
01-14-2011, 11:05 PM
يا بنت عايض.. عن غلا القلب تدرين
من أصعب اللحظات أن تجد نفسك تكتب قصيدة رثاء في أغلى البشر وهي والدتك.. ستشعر كثيرا أنك عاجز عن الوصول إلى التعبير الذي يجسد ما في قلبك من حزن الفراق.
قصيدة في والدتي «بنت عايض» التي توفيت صباح يوم الأحد 2010/12/12م، وهي من النساء صاحبات الدين والأخلاق والأصالة.. رحم الله بنت عايض وأسكنها فسيح جناته وألهم أهلها و ذويها الصبر والسلوان.
شعر/ مهدي بن حمد العجمي
مرّت عليّ اسْنين واسْنين واسْنين=فيها من ا جْروح الزمن والمخاسيِر
وفيها من الضيقه.. شْهود وبراهين=وفيها من الأحزان ورد.. ومصادير
راودني الاحساس.. من قبل عامين=وألفين وعشره.. كسّر القلب تكسير
شعرت كن فالصدر.. ضرب السكاكين=وبين الحنايا.. مثل دَقْ المسامير
والليل ما هو ليل.. والناس ممسين=والصبح ما هو صبح.. هَمْ وتفاكير
واهتز قلبٍ مؤمنٍ.. واغرقت عين=وضاع الكلام.. وحان وقت المقادير
ساعة توقْف.. نبضها فالشرايين=للّه في خلقه.. شؤون وتدابير
من كفها الطاهر.. تعين المساكين=ومن وجهها نقرا الامل والتباشير
تعطي وتعطي.. ما تبي مدح الادنين=ولا هّمها جمع الذهب والدنانير
ضحّت وضحّت.. لجل ناسٍ كثيرين=وربّت عفيفاتٍ.. وربّت مناعير
محبوبةٍ.. عند الجماعه والاقصين=الكل يثني.. ما لقى أيّ تقصير
عمود بيتٍ.. ما يخل الموازين=صيتك وعلمك.. فاق كل المعايير
على فراش الموت دايم تهلين=باللي لفوا للبيت ضيف ومسايير
إن سولفت.. تثريك بالمنطق الزين=أحلا وأطعم من حليب المغاتير
مع البدو عاشت.. على العسر واللين=وقت الشدايد.. في نهار المعاسير
بنتٍ صبّيه.. عند ربعٍ وفيّين=تسقي الركايب والغنم صافي البير
ويوم التحضّر.. فالمدن والميادين=ما ضيّعت سلمٍ.. ولا ضاع تفكير
تعلّمت نهج القراءه.. مع الدين=تقرا كتاب الله.. وكتب التفاسير
النادره.. بنت الرجال المسّمين=مالك شبيه إلاّ كما شجرة الخير
كلاًّ سأل عجوزكم يا عرب وين=وكلاًّ فقدها.. ما لقى أي تبرير
بيتٍ.. تصونينه عن النقص والشين=وحديقتك.. حمامها والعصافير
ومكان ضوّك.. يوم للضّو تحيين=بالبن الأشقر.. والدلال المباهير
وسجادةٍ.. دايم عليها تْصلين=ومجلاسك اللي حزّة الصبح وعصير
حنّا على ظنّك.. على العهد باقين=ما نخلفه واللّي بغيته بيصير
يا بنت عايض.. عن غلا القلب تدرين=للوالده حب ومكانه.. عن الغير
ويا بنت عايض.. لو تشوفي المصلين=ويا بنت عايض.. لو تشوفي الطوابير
ويا بنت عايض.. لو تشوفي المعزّين=في المقبره.. ما بين دعوه وتكبير
مثواك فالجنّه.. قصور وبساتين=أخير من دنيا الفنا.. والمخاسير
والعمر رحله والمخاليق مقفين=وحكم القدر مكتوب ما فيه تغيير
ودوّرت فالاسطر.. وبين العناوين=وقريت حتى في القصص والاساطير
ورثيت من قبلك ملوك وسلاطين=وكتبت عن غيرك نجوم ومشاهير
قال الشعر عاجز وتعجز دواوين=لو سطرّت الابيات بالقاف تسطير
جَفْ القلم.. ثم ارتجف بين كفين=وقام وعصاني.. لو تصح التعابير
ويا عين وش باقي من الدمع يا عين=بفراقها.. كلاًّ غدى عندي اصْغير
عليها رحمة الله الواسعة
من أصعب اللحظات أن تجد نفسك تكتب قصيدة رثاء في أغلى البشر وهي والدتك.. ستشعر كثيرا أنك عاجز عن الوصول إلى التعبير الذي يجسد ما في قلبك من حزن الفراق.
قصيدة في والدتي «بنت عايض» التي توفيت صباح يوم الأحد 2010/12/12م، وهي من النساء صاحبات الدين والأخلاق والأصالة.. رحم الله بنت عايض وأسكنها فسيح جناته وألهم أهلها و ذويها الصبر والسلوان.
شعر/ مهدي بن حمد العجمي
مرّت عليّ اسْنين واسْنين واسْنين=فيها من ا جْروح الزمن والمخاسيِر
وفيها من الضيقه.. شْهود وبراهين=وفيها من الأحزان ورد.. ومصادير
راودني الاحساس.. من قبل عامين=وألفين وعشره.. كسّر القلب تكسير
شعرت كن فالصدر.. ضرب السكاكين=وبين الحنايا.. مثل دَقْ المسامير
والليل ما هو ليل.. والناس ممسين=والصبح ما هو صبح.. هَمْ وتفاكير
واهتز قلبٍ مؤمنٍ.. واغرقت عين=وضاع الكلام.. وحان وقت المقادير
ساعة توقْف.. نبضها فالشرايين=للّه في خلقه.. شؤون وتدابير
من كفها الطاهر.. تعين المساكين=ومن وجهها نقرا الامل والتباشير
تعطي وتعطي.. ما تبي مدح الادنين=ولا هّمها جمع الذهب والدنانير
ضحّت وضحّت.. لجل ناسٍ كثيرين=وربّت عفيفاتٍ.. وربّت مناعير
محبوبةٍ.. عند الجماعه والاقصين=الكل يثني.. ما لقى أيّ تقصير
عمود بيتٍ.. ما يخل الموازين=صيتك وعلمك.. فاق كل المعايير
على فراش الموت دايم تهلين=باللي لفوا للبيت ضيف ومسايير
إن سولفت.. تثريك بالمنطق الزين=أحلا وأطعم من حليب المغاتير
مع البدو عاشت.. على العسر واللين=وقت الشدايد.. في نهار المعاسير
بنتٍ صبّيه.. عند ربعٍ وفيّين=تسقي الركايب والغنم صافي البير
ويوم التحضّر.. فالمدن والميادين=ما ضيّعت سلمٍ.. ولا ضاع تفكير
تعلّمت نهج القراءه.. مع الدين=تقرا كتاب الله.. وكتب التفاسير
النادره.. بنت الرجال المسّمين=مالك شبيه إلاّ كما شجرة الخير
كلاًّ سأل عجوزكم يا عرب وين=وكلاًّ فقدها.. ما لقى أي تبرير
بيتٍ.. تصونينه عن النقص والشين=وحديقتك.. حمامها والعصافير
ومكان ضوّك.. يوم للضّو تحيين=بالبن الأشقر.. والدلال المباهير
وسجادةٍ.. دايم عليها تْصلين=ومجلاسك اللي حزّة الصبح وعصير
حنّا على ظنّك.. على العهد باقين=ما نخلفه واللّي بغيته بيصير
يا بنت عايض.. عن غلا القلب تدرين=للوالده حب ومكانه.. عن الغير
ويا بنت عايض.. لو تشوفي المصلين=ويا بنت عايض.. لو تشوفي الطوابير
ويا بنت عايض.. لو تشوفي المعزّين=في المقبره.. ما بين دعوه وتكبير
مثواك فالجنّه.. قصور وبساتين=أخير من دنيا الفنا.. والمخاسير
والعمر رحله والمخاليق مقفين=وحكم القدر مكتوب ما فيه تغيير
ودوّرت فالاسطر.. وبين العناوين=وقريت حتى في القصص والاساطير
ورثيت من قبلك ملوك وسلاطين=وكتبت عن غيرك نجوم ومشاهير
قال الشعر عاجز وتعجز دواوين=لو سطرّت الابيات بالقاف تسطير
جَفْ القلم.. ثم ارتجف بين كفين=وقام وعصاني.. لو تصح التعابير
ويا عين وش باقي من الدمع يا عين=بفراقها.. كلاًّ غدى عندي اصْغير
عليها رحمة الله الواسعة