الرأي الآخر
06-29-2010, 12:45 AM
كتبت هذه الابيات في 1993/3/23م للشاعر عبدالله بن سعد بن مسرع ال عميان في وفاة خاله حمد بن عبدالله بن عميان الذي توفي في 1993/1/10 ولم تنشر هذه الابيات اطلاقاً حيث ان عبدالله بن سعد يكتب الشعر بين الحين والآخر ولكن لم يسع للظهور الاعلامي.. ولكن حبه ومكانة خاله حمد بن عبدالله دفعته لكتابة هذه الابيات المعبره ويعتبر المرحوم حمد بن عبدالله من خيرة الرجال من أهل الحكمة والعقل والجود وكان له دوره بين ربعه وبني عمه وكل من يعرفه رحمه الله.
مرحوم ياللي مات في ليل الاثنين=قرمٍ شجاعٍ تفعل الطيب يمناه
بكوه كل الناس الاقصى والادنين=ولو البكا بيرد خالي بكيناه
ياخال والله عقبكم هلت العين=ولا استراح القلب من حر ما جاه
يالله يا قابل صلاة المصلين=يالله ياربي.. عسى الخلد ملفاه
خلّف له رجال حرارٍ سلاطين=عسى البقا في روسهم لافقدناه
ياخال عقبك صار في القلب نارين=وحاول أصبر والصبر ما قويناه
يالتيني يا خال قبلك من سنين=فدوه لجل خالي وأنا.. ذا ماتمناه
ما همني يا خال جمع الملايين=ولا همني من يسحر الناس ممشاه
الهم يوم أنك تركت البلادين=تركتني يا خال واقول عزاه
لكن هذي قدرة الله ودارين=الموت حق وذي ترى حكمه الله
وختامها صلوا على ناشر الدين=محمد اللي كلنا نتبع اخطاه
تقبلوا فائق الإحترام:bigsmile:
مرحوم ياللي مات في ليل الاثنين=قرمٍ شجاعٍ تفعل الطيب يمناه
بكوه كل الناس الاقصى والادنين=ولو البكا بيرد خالي بكيناه
ياخال والله عقبكم هلت العين=ولا استراح القلب من حر ما جاه
يالله يا قابل صلاة المصلين=يالله ياربي.. عسى الخلد ملفاه
خلّف له رجال حرارٍ سلاطين=عسى البقا في روسهم لافقدناه
ياخال عقبك صار في القلب نارين=وحاول أصبر والصبر ما قويناه
يالتيني يا خال قبلك من سنين=فدوه لجل خالي وأنا.. ذا ماتمناه
ما همني يا خال جمع الملايين=ولا همني من يسحر الناس ممشاه
الهم يوم أنك تركت البلادين=تركتني يا خال واقول عزاه
لكن هذي قدرة الله ودارين=الموت حق وذي ترى حكمه الله
وختامها صلوا على ناشر الدين=محمد اللي كلنا نتبع اخطاه
تقبلوا فائق الإحترام:bigsmile: