طلال بن قطام
12-04-2008, 04:05 PM
أنا ما هقيت يسوي الوقت مـا سـواه=وخان الزمان وعـادة الوقـت خوانـي
ويا حي من هـذي ديـاره وذا مربـاه=ذواري هبوب النود من فوقهـا بانـي
أنا يوم شفـت البيـت متهـدمٍ مبنـاه=تذكرت زولٍ كان فـي البيـت سكانـي
أنادي عليه وساقي العين جـاريٍ مـاه=وأنا عارف إني لو تحريت مـا جانـي
ظلمني الزمان اللي جبرني على فرقـاه=صواديـف بقعـا شرهـا مـا تعدانـي
صدوف الزمان وطول صبرٍ لحقت اقصاه=حدتني على مبـدا الطويلـه مسيانـي
أنا قد بغيت اوقف الرجـل عـن مبـداه=ولكن شفـت المـوت مازيـد خلانـي
إلا جيت عدٍ قـد نـزل مـاه وألا جـاه=تسابق دموعي واظهرت خافي احزانـي
أنا كيف بدله واطمع ان خاطري ينساه=وأنا كل مـا مريـت مدهالـه ابكانـي
إلا جات بـه الاخبـار وألا حـدٍ طـراه=ماعاد أتسمع صوت من زيـد حاكانـي
أعيش بخيالـه واتنـادم مـع ذكـراه=ويدوي بي الهاجوس في عالـمٍ ثانـي
يغيم سمـاي إلا تواجهـت أنـا ويـاه=وحتى الحكي ماعاد ينطق بـه لسانـي
قضى العمر كله عادني في رجا لامـاه=وطال الرجـا واليـاس قـام يتحدانـي
هو اللي تتوق النفس لمشاهده وحكـاه=ولا جا بقلبي عنـه سجـه ونسيانـي
ويا حي من هـذي ديـاره وذا مربـاه=ذواري هبوب النود من فوقهـا بانـي
أنا يوم شفـت البيـت متهـدمٍ مبنـاه=تذكرت زولٍ كان فـي البيـت سكانـي
أنادي عليه وساقي العين جـاريٍ مـاه=وأنا عارف إني لو تحريت مـا جانـي
ظلمني الزمان اللي جبرني على فرقـاه=صواديـف بقعـا شرهـا مـا تعدانـي
صدوف الزمان وطول صبرٍ لحقت اقصاه=حدتني على مبـدا الطويلـه مسيانـي
أنا قد بغيت اوقف الرجـل عـن مبـداه=ولكن شفـت المـوت مازيـد خلانـي
إلا جيت عدٍ قـد نـزل مـاه وألا جـاه=تسابق دموعي واظهرت خافي احزانـي
أنا كيف بدله واطمع ان خاطري ينساه=وأنا كل مـا مريـت مدهالـه ابكانـي
إلا جات بـه الاخبـار وألا حـدٍ طـراه=ماعاد أتسمع صوت من زيـد حاكانـي
أعيش بخيالـه واتنـادم مـع ذكـراه=ويدوي بي الهاجوس في عالـمٍ ثانـي
يغيم سمـاي إلا تواجهـت أنـا ويـاه=وحتى الحكي ماعاد ينطق بـه لسانـي
قضى العمر كله عادني في رجا لامـاه=وطال الرجـا واليـاس قـام يتحدانـي
هو اللي تتوق النفس لمشاهده وحكـاه=ولا جا بقلبي عنـه سجـه ونسيانـي