الليل يا الشاعر فلاح

[حريب^الردى]

من هجوسٍ ٍ كـنـّـها الموج فـالبحر الغزير
يــاســلامــي يـارجــالٍ ٍ رفـيـعٍ ٍ شـانـهـا
احـتزم من دون لازمْـك والموقف خطـيـر
والدّيــَـرْ مــأحدٍ ٍ حماهاا سوى فرسانها

[أبوراكان]

حريب الردى

صح لسانك

وبانتظار رد الشاعر فلاح

متابع متابع متابع

[أبوراكان]

اسمحلي على المداخله البسيطه يا حريب الردي هيضتني أبياتك


يا حريبن لردى سيفك الليله شطير
وأشهد أنك صدت يامحزمي نيشانها
نظم شعرك كايد ومصنعه والله عسير
وشاقني قافك وجيتك مع بيبانها

[أبو فارس]

ياسلام يابو راكان صح لسانك ولسان حريب الردى

[حريب^الردى]

لاهنتوا يالربع وصحت ابدانكم ؛؛
رد على مجاراة الأخ ابوراكان؛؛
حنّ ترانا ربع وأخوان والمنصب كبير
وأنت ريّـس للاداره وضمن أعيانها
طير ياطير السعد صبح وألا في عصير
اكفخ الجنحان والقوم دون اطوانها

[اشقيتني يازين]

لاهنتوووو يا الربع على

المحاوره الطيبه

متابع بصمت

[فلاح برق لاح]

أعتذر لتأخر الرد لأنشغالي عن المنتدى والله يبيض وجه أبو راكان قام بالواجب



والله أنكـ ياحريب للردى كفو ونصير
تنطق الكلمه وتعرف مقبضة بيبانها

سعد مله يارفيقي كما مثلكـ قصــير
كان لوعــات الزمن طامر جرفانها

[أبوراكان]

المصيبه دلَونا واقع (ن) في وسط بير
والقضيه واضحه والبلا عنوانها
وإن سحبته أنقطع وإن تركته للمصير
والمزون البارقه رافع الله شانها

وأنسحب مدام الشاعر فلاح وصل
أذا حضر الماء بطل التيمم

[حريب^الردى]

معذور يالشاعر فلاح؛؛
الله الله الله
كلّ رجلٍ ٍ له مقامه وتقرير المصير
وبارك الله في رجالٍ ٍ تطول أيمانها؛؛
لايردّك دونها خيط سلكٍ ٍ من حرير
والعلوم اكبار والخيل في ميدانها؛؛

[حريب^الردى]

صح الله السانك يابوراكان ولاهنت ؛؛ وأنت والشاعر فلاح فيكم الخير والبركه ؛؛ وأشكر الاعضاء المتابعين علا ردودهم وتشجيعهم لنا.

[أبوراكان]

حريب الردى

وافي وافي وجزل جعلك تسلم

ولاتحرمنا من ذى المحاورات الطيبه

وأسمحلي يوم تدخلت شوشتني أبياتك الطيبه

ولا فلاح مافيه قصور وهو المقدَم

[فلاح برق لاح]

خلوووووووووووووووووها

نـتـكـل بـالله ومـن يــتـكـل بــه مــايحـيـر
خالـق الأرض ومثبت بالجبـال أركانهــا
دام أيدك في يدي..بصرار..وطموح كبير
نرتــقي مثــل المبانـي لرتــقى بنـيـانهــا

[حريب^الردى]

اتـّـكل بالله وربّـي يجير المستجير
والقوافي عانها وانتبه لاوزانـها؛
حامل المسك ماهو ترى نفّـاخ كير
والمراجل كايده والسلامه عانها؛

[فلاح برق لاح]

خلووووووووووووها

كل رجل في حياته واضع(ن) لَه خط سير
يعبره مــن فـوق خيل مرخيات أرسانهــا
وسور بـيـتـه عاااالي ماهوا بسور قصير
والـــرجــــال أتـقــاس بفعـالها وقــرانهــا

[كـــــحــــيــــلان]

الله الله الله
صح السانكم يا
الشعار
انا متابع
وماسك الصف

[حريب^الردى]

ياعسا في لأمر خيره وتال الامر خير
والطيور اشكالها مـأستوت وألوانها؛
فرخ شيهانه وحرًّ ً تبع له فرخ جير
وآلاصيلـه عـنّـها لاتـسيـب اعـنانها؛

[البليهي]

ياسلام على اللعبه الكايفه



صح السنتكم يا شعار



جزلين

[حريب^الردى]

صحت ابدانكم ؛؛

واشكركم على الردود والمتابعه ؛؛

وأكرر الليل يالشاعر فلاح والبرق لاح ؛؛

[فلاح برق لاح]

خلووووووووووووووها

خـاتـمة صاحـبـك ساحـبـك وخـذ مني نذيــر
والبيّـر يــاكـم دلــوا طـــاح فـي قـيـعـانـهـــا

وصبّر النفس فالدنيا مع أهل الكتاب المنير
تـفـرح الـنـفـس بـالأخـرى بـوسـط أجنانهــا

[أبوراكان]

يا سلاااااااااااااااااام


حريب الردى - فلاح برق لاح

وربي مبدعين

متابع

متابع

متابع

[حريب^الردى]

ياجماعه صاحبي لايشاار وْ لااا يشيير
بـعـد ثارت بـندقه مـاوزن نـيـشـانهـاا؛؛
يافلاح ان كنت مرهق فــ ريّـح وأستخير
وآآهل الشيشان تآقف معى شيشانهاا؛؛

[فلاح برق لاح]

الرجال الواااااثقه ماتشــك ولاتـضيــر
والسيول الجاااارفه عارفــه وديانهـــا
من نصيته بندقي يآ أسير(ن)ياكسير
وآآآهل الشيشان ماقــــرّت بقيعانها!!

[أبوناصر العبداني]

لاهنتووووووووووووووووو

على هالمحاورة حامية الوطيس

شكرا,,,,,,,,,,,,,

[حريب^الردى]

الـرّجال الـوافيه غـشّـها بـوش اوْ بـلـيـر
والـرجـال الـغادره زايـدٍ ٍ جـنجانهـا؛؛
لايغرّك منْـصِـِبـِـكْ قول لي وين أنت وير<Where>
ومـن يعـزّ الـنّـفـس يالابتي ماهانها؛؛

[فلاح برق لاح]

أذكــــــــــر الله ولــــــعــــــن أبــــليـــــس وبـــليس حــــقـــيــــــر
والــــــــرجــــــــال العـــــــارفــــــــه تــنــتــبــه للســــــانهـــــــــا
والمناصب للجدير..والطموح المانجير<<Manager>>
ون تـبـيــــلــك واســــطـــــه بجـــــتهـــــد فـــي شـــــــانهـــــــــا

[حريب^الردى]

الله انـَـه يلعن ابليس واصحيبه عـوير
ويـلعـن الله لابـةٍ ٍ ماحمت حدًانها؛؛
ياجماعه صفَـقوا واكربوا هـذا الغرير
وديرة الأفغان يااشـيبها شبَـانها؛؛

[فلاح برق لاح]

جــعـل ربي مايواخذك ياهذا البـــزيـــر
ليـــن تقدر تازن النــاااس في ميزانها
كلما أدعس على البنص بيزيد الطرير
ويـش نفعة خــردة منكسر شكمانها!!



أعتذرعن أكمال المحاوره للهبوط اللي حصل فيها وأنا أكبر من أكمال محاوره بهذه الألفاظ ؟؟؟؟

وستغفرالله العظيم من ألفاظ لم أكن أرغب فيها ولاكن لكل فعل ردة فعل

[حريب^الردى]

الجزا جنس العمل وانت وش بك مستثير
والبواخر سايره في حكم ربانها ؛؛
وانت خلك في ذرى عمتك لو تستجير
ومن يهين النفس ياهل الوفاء ماصانها؛؛

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

صح السانك يافلاح برق لاح ؛؛ وترى البدايه كان عندك لغط في بحر الطرق وبعدها بديت بالطموح الكبير ولكل مقام مقال ومن مد نص الكف يجزا املاها؛؛
واسمحولي يالربع كانه جاء مني اقصور ؛؛ والكامل وجه الله

[أبوراكان]

حريب الردى - فلاح برق لاح


صح لسانكم جميع

ولاهنتو على المحاوره

الله يعطيكم العافيه

تقبلو مروري ومتابعتي