قصيدة للراحل محمد السديري

[^^ابو ناصر^^]

يـا زبـن ذقــت الــود حـلـوه ومــره


وفـي غفلـة الحسـاد سنـدت واديــه


مـصـادف يــا زبــن خـيـره وشــره


ومجهول دربه باظلم الليـل ماشيـه


وان ناشنـي باسبـاب دربـه مضـره


ابـرا إلـى شميـت معـسـول صافـيـه


وإلى استعـر يـا زبـن بالقلـب حـره


الـقــى غــريــر بـالـمــوده يـطـفـيـه


بحمـاه درك القلـب يلـقـى المـسـره


يبـري عنـاه ويخضـرن بـه نواميـه


انـصــاه لـــو انــــه بـعـيــد مــقــره


قلـبـي بقـلـبـه محـكـمـات عـراويــه


طـفـل بسـلـك الـــود قـلـبـي يـجــره


مطاوعـه قلبـي ولا هـوب عاصـيـه


مانـاش قلبـي لـه مـن البغـض ذره


واكـن لـه ود علـى النـاس مخفـيـه


هـاجـوس قلـبـي كــل يـــوم يـمــره


ولـو هـو بعيـد كـن عينـي تراعـيـه


زولــه إلــى شفـتـه لقلـبـي مـســره


وان غـاب عينـي تروعيلـه وتبكيـه


ان غاب عنـي جـا للاضـلاع صـره


والقلـب منـي يرتجـف مـن محانيـه


تـرى الحيـاة ابـلاه يــا زبــن مــره


ولا ظني امه مثـل مـا اغليـه تغليـه


مـا ريـتـه فــوق الحجاجـيـن غــره


كامل وصوف الله من الملح معطيه


ان غبـت عنـه وجيـت قـام يتـشـره


مـا يـدري ان القلـب دايــم يبـاريـه


وحـيـاة خـــلاق الـقـمـر والـمـجـره


انـي فـلا انـسـا غـالـي مـغـرم فـيـه


يــا زبــن والله مــا بقـلـبـي مـغــره

ويـا زبـن ذقـت الـود مـره وحالـيه

[أبو مشعل]

ابو ناصر
لاهنت على النقل المميز
للشاعر محمد السديرى

[عبداني]

ارحب يابوناصر


وصح الله لسان الشاعر السديري

ونسأل الله له الرحمة هو وجميع اموات المسلمين

ولاهنت على النقل الاكثر من رائع يالقرم

[أبوراكان]

أبوناصر

بيض الله وجهك على نقل قصيدة من قصائد أحد رموز الشعر

وتقبل مروري وتقديري

[^^ابو ناصر^^]

الاخوان
ابو مشعل
عبداني
ابو راكان
لاهنتوا على المرور

[أبو فارس]

ابو ناصر صح لسانك والله يرحم الشاعر محمد السديري