فلاح آل مخلص
11-14-2008, 05:03 PM
(((ترحيبه وكرامه فلة حجاااااااااااااااج)))
اتشرف في انضمامي لمنتدى آل عبدان القبيلة العريقه
قبيلة الشيخ فهيد بن حمامه قبيلة ابن المقنع قبيلة الفارس قعشوش وناصر بن مرهان وحمد بن مرهان
قبيلة كانت ولازالت مليئة بالفرسان والشيوخ والعراف الله يوفقكم ويجمعكم على العز ياوعله
وهذي احدى قصائدي اهداء للمنتدى ولأهل المنتدى
لاشاش راسي مـن هجـوس وتفاكيـر
والجاش ضاق ولج في كونـي ازعـاج
قديتهـا للبـر مـن دون مـا اشـيـر
وزعجت معمالي من الصافـي ازعـاج
اشوف لي فـي البـر راحـه وتخديـر
ارقب من المولى علـى عبـده افـراج
ماغيـر فكـري والنجـوم المنـاويـر
النـار قنديلـي (وذكـر الله) ســراج
وسـط المدينـه ماتطيـب التعابـيـر
اهموم قلبـي تصتفـق مثـل الامـواج
تقبـل علـي اجيـوش بقعـا طوابيـر
تـارد علـي افـواج وتصـدر افـواج
ويـدق قلبـي مثـل روس المساميـر
مريض وازرى مالقـى طـب وعـلاج
ماني مـن اللـي يحسبـون المخاسيـر
اقـوم بالواجـب ولـو كنـت محتـاج
على طريـق العـود تحـت المقاديـر
مـن عادتـه ماقال(مانقـدر احـراج)
شفـي ومقصـودي قـروم مناعـيـر
ترحيبـه وكرامـه وفـلـة احـجـاج
ربعي مـن اللـي يكرمـون المساييـر
العـود الازرق بيـن الاجـواد عجـاج
تلقى الشحـم مـع حليـب المصاغيـر
وجموع قـوم تشبـه جمـوع حجـاج
وسط الكويت بيـوت ربعـي معاميـر
وفي بطن نجران ومـن دون الافـلاج
وفي ذروة الصمان ربعي هـل الخيـر
خيالـة العجـمـان لبـاسـة الـتـاج
والاد مــره مكرمـيـن الخطاطـيـر
في الربع والا في الحسى ابراج وابراج
ابـراج عـز مانصـوهـا المعاثـيـر
يلقـى ظلالـه تحتـهـا كــل دواج
وانا مـن اللـي يحتمـون المضاهيـر
ربعي(( وعيل))مروضـة كـل فـلاج
حنـا لشجعـان القبـايـل معاصـيـر
نـدِ لهـم ونعـل مـن عـد هــداج
يـام بنـي عمـي قصـور مشاهـيـر
استاسـرو الطـالات باقفـال وسيـاج
كـل القبايـل تفتخـر لكـن الطـيـر
يعـرف بمدخـال ويعـرف بمخـراج
وان كـان جنحانـه قصـار مكاسيـر
ان طار وقع وان وقـع مـات ماسـاج
ختامهـا بنصحـك ياحاجـب البـيـر
اخذ الحـذر دام الجمـل مابعـد هـاج
وصلـو عـدد ماهمـلـن الشخاتـيـر
علـى رسـول خصـه الله بمعـراج
اتشرف في انضمامي لمنتدى آل عبدان القبيلة العريقه
قبيلة الشيخ فهيد بن حمامه قبيلة ابن المقنع قبيلة الفارس قعشوش وناصر بن مرهان وحمد بن مرهان
قبيلة كانت ولازالت مليئة بالفرسان والشيوخ والعراف الله يوفقكم ويجمعكم على العز ياوعله
وهذي احدى قصائدي اهداء للمنتدى ولأهل المنتدى
لاشاش راسي مـن هجـوس وتفاكيـر
والجاش ضاق ولج في كونـي ازعـاج
قديتهـا للبـر مـن دون مـا اشـيـر
وزعجت معمالي من الصافـي ازعـاج
اشوف لي فـي البـر راحـه وتخديـر
ارقب من المولى علـى عبـده افـراج
ماغيـر فكـري والنجـوم المنـاويـر
النـار قنديلـي (وذكـر الله) ســراج
وسـط المدينـه ماتطيـب التعابـيـر
اهموم قلبـي تصتفـق مثـل الامـواج
تقبـل علـي اجيـوش بقعـا طوابيـر
تـارد علـي افـواج وتصـدر افـواج
ويـدق قلبـي مثـل روس المساميـر
مريض وازرى مالقـى طـب وعـلاج
ماني مـن اللـي يحسبـون المخاسيـر
اقـوم بالواجـب ولـو كنـت محتـاج
على طريـق العـود تحـت المقاديـر
مـن عادتـه ماقال(مانقـدر احـراج)
شفـي ومقصـودي قـروم مناعـيـر
ترحيبـه وكرامـه وفـلـة احـجـاج
ربعي مـن اللـي يكرمـون المساييـر
العـود الازرق بيـن الاجـواد عجـاج
تلقى الشحـم مـع حليـب المصاغيـر
وجموع قـوم تشبـه جمـوع حجـاج
وسط الكويت بيـوت ربعـي معاميـر
وفي بطن نجران ومـن دون الافـلاج
وفي ذروة الصمان ربعي هـل الخيـر
خيالـة العجـمـان لبـاسـة الـتـاج
والاد مــره مكرمـيـن الخطاطـيـر
في الربع والا في الحسى ابراج وابراج
ابـراج عـز مانصـوهـا المعاثـيـر
يلقـى ظلالـه تحتـهـا كــل دواج
وانا مـن اللـي يحتمـون المضاهيـر
ربعي(( وعيل))مروضـة كـل فـلاج
حنـا لشجعـان القبـايـل معاصـيـر
نـدِ لهـم ونعـل مـن عـد هــداج
يـام بنـي عمـي قصـور مشاهـيـر
استاسـرو الطـالات باقفـال وسيـاج
كـل القبايـل تفتخـر لكـن الطـيـر
يعـرف بمدخـال ويعـرف بمخـراج
وان كـان جنحانـه قصـار مكاسيـر
ان طار وقع وان وقـع مـات ماسـاج
ختامهـا بنصحـك ياحاجـب البـيـر
اخذ الحـذر دام الجمـل مابعـد هـاج
وصلـو عـدد ماهمـلـن الشخاتـيـر
علـى رسـول خصـه الله بمعـراج