ان كان صاح الفهد صاحت قبايلنا**الصيحة اللي جميع الكون يذعنها

[كـــــحــــيــــلان]

الســلام عليــكم ورحمــة الله وبـركـاته
::
::
هذه القصيده الشهيره للشاعر المملكة العربية السعوديه الكبير
اللواء /خلف بن هذال العتيبي
::
::
ومناسبة القصيده ابان الغزو العراقي الغاشم لدولة الكويت حفظها الله من
كل سؤ عام 1990 م
::

7
7
7
يا لله بما إنك مـن النكبـات تامنـا****والـدار بحمـاك تمنهـا وتامنـهـا



بأوامـر القائـد الا علـى تمثلـنـا****أرواحنـا فـي سبيـل الله نعربنهـا



بقيادة الفهـد شلنـا الصـوت وأذنـا****علـى المنابـر تلـج ابنـا مآذنهـا



وإن كان صاح الفهد صاحت قبايلنـا****بالصيحة اللي جميع الكـون يذعنهـا



صيحة ندى والفـدا فـن ولنـا فنـا****فينـا فنـون المعـارك ونتفننـهـا



وإليـا نخانـا ولـي العهـد ثمـنـا****النخوة اللـي علـى الوقفـة نثمنهـا



حوله ومن حول مـن حولـه تكونـا****جزمـه ولزمـه وضربـات نعينهـا



وإلى اعتزى النائب الثانـي تزهلنـا****لمصامخ المعتدين وقصـف أماكنهـا



والمملكة فـي حمانـا حيـث ماكنـا****بالـدم نسقـي ثراهـا وانتحضنهـا



فرض علينا وعهد قـد مضـى منـا****إنرد بالنـار هجمـات العـدا عنهـا



صنا المشاعر عن أشرار العدا صنـا****عنها الشوارب إلى فتلـت نحسنهـا



مكة وطيبة لنا والنا وغضـب النـا****ترسانـة الديـن للعالـم نترسنـهـا



على الجزيرة بحزم وعـزم هيمنـا****تفخر بنا فايسـر العربـان وايمنهـا

بالعدل والعـرف والحكمـة تسلطنـا****نترك كثير الامور ونأخـذ احسنهـا



لاهانـت بـلاد اخونـوره ولا هنـا****الجوخه اللـي لبسنـا مـن بطاينهـا



دار ربتـنـا وضمتـنـا وفضلـنـا****المـوت فيهـا ولا بخـس يدرنهـا



دار علـى خدهـا الطاهـر تمكنـا****فيها ومـن فوقهـا نحفـظ توازنهـا



يا دار طير السعد والعـز لـك غنـا****حلـو الأناشيـد بأصوتـه يلحنـهـا



يا دار ما تقتحمـك الأنـس والجنـا****دونك عيال تفـادي عـن مواطنهـا



ذباحة الحيل وأهـل الهيـل والبنـا****نطاحـة القـوم حمايـة ظعاينـهـا



في سوق جاتك ماهوب بسوق هونـا****تحمى علمها وإلـى ماتـت يكفنهـا



إن دندنـت طبلـة الحـراب دندنـا****بآيات حـق علـى وبـلال دندنهـا



كم من حريب تـورط فـي حبايلنـا****حبايل من اسلـوب الحـرب نتقنهـا



جاك امتنكس ويخسـر مـن يراهنـا****مثل الذبيحة بأسافلهـا نكـر عنهـا



واليادعا من يشيل الحمل لـه شلنـا****ارقابنا في حياض المـوت ترسنهـا



وحنا على جبهـة الغـازي تكامنـا****حاضر بحاضر عدانـا مـا نداينهـا



وحنا ليا عدت فعـول العـرب حنـا****انسانـد العـرب وندعـم تضامنهـا



وحنا اليا انحلـت الآسـرة تعاونـا****وقمنا على جمعهـا حتـى نحصنهـا



وحنا ليا اشتـدت الأزمـة توصلنـا****على حلـول العقـود اللـي تهونهـا



وحنا ليـا جاتنـا الغلطـة تحملنـا****الاولـه نبلـع الغلـطـه ونعلنـهـا



وأن جاتنـا الثانيـة .. لا ماتماهلنـا****بالسابقة نسحب الأخـرى ونقرنهـا



وراعي الغلط بالغلط معقول ومثنـى****يلقـي الحقايـق وبعيونـه يعاينهـا



نسمـع بنبـح الكـلاب ولا تجنـنـا****الكلـب لـه حربـةٍ بكـره نسننهـا



من دون صهيون .. بذتنـا صهاينـا****تكفـر بالإسـلام وتركـز كماينهـا



الله يا الأنـذال يقلـع رمسكـم عنـا****اطماعكـم عندنـا بانـت بواينـهـا



مع منكرين الصنع أمسـت محاسنـا****سيات تحكي بـه العـدوان بألسنهـا



واليا تضايق غريـب الـدار يزبنـا****ندمغ له الروس وأن طالت نطمنهـا



لوهي تليـن الجبـال الصـم مالنـا****على الحقوق ارتكينـا فـي مماكنهـا



يا شيخ جابـر لـك الله مـا تهاونـا****الفهد يأكـد لـك العـودة ويضمنهـا



ياشيخ والله زعلـك اليـوم مزعلنـا****والمهزلـة والمهونـة مانواطنـهـا



ابشـر بنصـر يشيـد فـوق ويبنـا****بأيـدي رجـال محكحكـة معادنهـا



ترجع لدارك وهـذي مـن صمايلنـا****خطـوة وسطـوة وتاريـخ يدونهـا



ما دام معك الفهـد لا يلحقـك ظنـا****أبشايـة الله كويتـك لازم تسكنـهـا



ولقصر دسمان تجلـس بـه وتتهنـا****لابد مـن فرحـة تطفـي غباينهـا



صدام لا تحسب ان الحرب تجهلنـا****حنا اهل الحـرب والكلمـه نبرهنـا



بالغـش يالنـذل والخدعـة مباطنـ****تطوي سيورك على الفتنـة وتدهنهـا



بمعاملات اليهود .. اثـرك تعاملنـا****تطمع بجارتـك يالخايـن وتطعنهـا



سلب النسا وانتهاك العـرض غابنـا****اعمال سوء لـك الشيطـان زينهـا



مخـزي ومذنـب ولا تقـدر تقابلنـا****تجمع فرايسك يا الحصنـي وتدفنهـا



صبحك معروفنـا وامسيـت خاينـا****بغـداد تلعنـك يالخايـن وتلعنـهـا



جاني وفي المجتمـع منبـوذ ومجنـا****شعبك بري منك والنخوة بري منهـا



كفك ملطـخ بـدم الشعـب ومحنـا****ما عاد تنظف يمينك لـو تصوبنهـا



حنا حمينـاك يـوم اعلنـت واعلنـا****بالحرب جتك أسلحتنا من مخازنهـا



بالمعركة لك ثمـان اسنيـن مشغلنـا****ولـك القوافـل مداومـة مكاينـهـا



هذا جزى مـا فعلنـا مـن جمايلنـا****تحشد علينا جنودك وانـت خاينهـا



لك يوم محسوب تصغر به وتتمنـى****ما كنت فوق الوجـود ولـك نقننهـا



عليك باسم الله اكبـر مـن تضامنـا****بالأرض سبع الفواسق وانت ثامنهـا



ياشعب دجلة ترى موطنـك موطنـا****لا ترخص الروح للمجرم وترهنهـا



احسن تقولون : سل السيف واقتلنـا****في حكم مجنون لا يأمـر ولا ينهـى



الواجب انك على وصلـك تواصلنـا****ازحف على طغمة الطاغوت واطحنها



واليـا قمعتـوه لا عـرج ولا ثنـى****نقص على ظاهـر الدنيـا وباطنهـا





_________

وهنا القصيده بصوت شاعرها

7
7
http://slysl.com/Listen/Klaf/YallaH_AmaneK.ram

وسلامتكم !!


http://rakann.com/vb/images/smilies/21t.gif

[فلاح برق لاح]

صح الله لسان أبوهذال

شاعــــــــــر الـــــــــوطـــــن


جزاله وحكمه وقوه

[كـــــحــــيــــلان]

فلاح
"""""""""""" لاهنت
على """""""""" المرور

[أبوراكان]

كحيلان

رجعتنا بالزمن الى الخلف مع هذه الرائعه من روائع بن هذال

صح لسانك ولسان الشاعر

ولاهنت يا الغالي

والحمد لله على تحرير الكويت

وتقبل مروري

[أبو مشعل]

كحيلان
لاهنت على النقل
وصح لسان بن هذال

[كـــــحــــيــــلان]

ابوراكان
لاهنت على المرور

[كـــــحــــيــــلان]

ابومشعل
لاهنت على المرور

[السويدي!]

احسنت احسنت اخوي "كحيلان " اسم على مسمى والله لا يهينك على ذي القصيده اللي ندورها من زمان .............وشكرا مرة اخرى......
:):):):):):)

[كـــــحــــيــــلان]

احسنت احسنت اخوي "كحيلان " اسم على مسمى والله لا يهينك على ذي القصيده اللي ندورها من زمان .............وشكرا مرة اخرى......

:):):):):):)
قايل ما يهون وما عليك زود يا الغالي شكرا على المرور

[عبداني]

يبقى خلف بن هذال العتيبي

شاعر المملكه العربيه السعودية قاطبة



صح لسانه


ولاهنت على النقل

[--<>( عـــز الطـلـب )<>--]

لاهنت اخي كحيلان

على نقل هذي الرائعه لنا

والشاعر خلف بن هذال شاعر كبير

وصح لسانه

[كـــــحــــيــــلان]

لاهنت اخي كحيلان

على نقل هذي الرائعه لنا

والشاعر خلف بن هذال شاعر كبير

وصح لسانه

شـكــ وبارك الله فيك ـــرا لك ... لك مني أجمل تحية .